«Սահմանադրական դատարանի որոշում ունենք օրենքի ընդունումից 5 տարի անց և շուրջ 3 տարուց ավել քննվել է այս որոշումը՝ դառնալով մեր սահմանադրական արդարադատության երկար քննված գործ»,- ասաց «Պառլամենտարիզմի զարգացման միջազգային կենտրոն» հասարակական կազմակերպության համահիմնադիր Գոհար Մելոյանը։
Մելոյանը նշեց, որ վերացական հսկողության շրջանականում ՍԴ-ն օրենքը ճանաչել է սահմանադրական, բայց այն չի սահմանափակում առանձին դիմումների ներկայացումը ՍԴ՝ մարդկանց առանձին իրավուքների հակասահմանադրականությունն ապացուցելու համար։
Նշելով, որ ՍԴ-ն կարևոր արձանագրում է արել՝ Մելոյանը պարզաբանեց՝ ասելով, որ այսուհետ, հաշվի է առնվելու ապօրինի ծագում ունեցող գյուքի բռնագանձման վարույթների ուսումնասիրության հիմքերը համակցության մեջ, որ բռնագանձման ենթակա գույքը կապ ունենա հանցանքի հետ և պետք է համպատասխան պաշտոնական անձի՝ պաշտոնը ստանձնելուց հետո ձեռք բերված լինի։ «Այն էականորեն նեղացնում է դատախազության իրավասությունները և հիմք է պրակտիկ դաշտի տեսլականի փոփոխման՝ մի շարք գործերի կարճման, մի շարք գործերի կասեցման և վերանայման սկզբունքի, թե որ գույքն են իրենք գնահատել որպես ապօրինի, որովհետև մենք պրակտիկայում ունենք դեպքեր, երբ այս հիմքերից որևէ մեկի բացակայությամբ մարդկանց հանդեպ վարույթներ են հարուցել, երբ մարդը որևէ կերպ դրա տակով չէր կարող անցնել։
Ունենք դեպեք, որ մարդը պաշտոնատար անձ էր դարձել, պայմանական ասած 2016 կամ 2020 թվականից հետո, բայց ապօրինի ծագում ունեցող գույք են ուսումնասիրում, որը ձեռք է բերվել 1995 թվականին»,-ասաց Մելոյանը։Նա նշեց, որ ապօրինի գույքի բռնագանձմանմոտ 140 վարույթ կա հարուցված։Պառլամենտարիզմի զարգացման միջազգային կենտրոնը ձեւավորվել է 2019 թվականին՝ իր գործունեության առաջնային նպատակ հռչակելով ժողովրդավարության հաստատումը, իրավունքի գերակայության ամրագրումը, պառլամենտարիզմի զարգացումը, մարդկանց իրազեկվածության ու իրավագիտակցության բարձրացումը, մարդու անձնական, քաղաքական, սոցիատնտեսական իրավունքների իրականացման երաշխավորումը Հայաստանի Հանրապետությունում։
