ԱՄՆ բանակը նախատեսում է զգալիորեն մեծացնել անօդաչու թռչող սարքերի (ԱԹՍ) օգտագործումը՝ յուրաքանչյուր դիվիզիոն զինելով հազար միավոր այդ տեխնիկայով, հայտնում է Wall Street Journal-ը՝ հղում անելով աղբյուրներին։
Հրատարակության տվյալներով՝ նորամուծությունները նախատեսվում է ներմուծել ամերիկյան զինված ուժերի հիմնական վերանայման շրջանակներում, որը կարող է ԱՄՆ-ին 36 միլիարդ դոլար արժենալ առաջիկա հինգ տարում։
«ԱՄՆ բանակը սկսում է իր ամենամեծ կապիտալ վերականգնումը Սառը պատերազմից ի վեր՝ պլանավորելով զինել յուրաքանչյուր մարտական ստորաբաժանում 1000 անօդաչու թռչող սարքով և հրաժարվել հնացած զենքերից», - գրում է թերթը:
Պարբերականի տվյալներով՝ Պենտագոնի ծրագիրը «մեծապես հիմնված է ուկրաինական հակամարտության դասերի վրա»։ Անօդաչու թռչող սարքերը կարող են վերափոխել մարտադաշտը, քանի որ դրանք արտադրվում են էժան, կարող են թափանցել հակառակորդի պաշտպանությունը և կարող են բացահայտել թշնամու թիկունքի դիրքերը, ասվում է հրապարակման մեջ։
