Հնդկաստանը փակել իր օդային տարածքը պակիստանյան բոլոր ինքնաթիռների համար։ Այս մասին հաղորդում է ՏԱՍՍ-ը։ Պակիստանյան ինքնաթիռների համար օդային տարածքի փակման որոշումը կգործի ապրիլի 30-ից մայիսի 23-ը։
Հաղորդվում է, որ ծանուցումը վերաբերում է բոլոր ինքնաթիռներին, որ «գրանցված են, շահագործվում են և վարձակալված են պակիստանյան ավիաընկերությունների կողմից»։ Այն տարածվում է ինչպես քաղաքացիական, այնպես էլ ռազմական ինքնաթիռների վրա։
Պակիստանը Հնդկաստանի համար օդային տարածքը փակել էր դեռ օրեր առաջ՝ երկու երկրների միջև լարվածության աճի պայմաններում։
Պակիստանի պաշտպանության նախարարը երկուշաբթի հայտարարել է, որ հարևան Հնդկաստանի ռազմական ներխուժումն անխուսափելի է անցյալ շաբաթ Քաշմիրում զբոսաշրջիկների վրա զինյալների մահացու հարձակումից հետո: Միջուկային զենք ունեցող երկու երկրի միջև լարվածությունը մեծանում է։
