Թուրքիայի նախագահ Ռեջեփ Թայիփ Էրդողանը կարծում է, որ Իսրայելը կհամաձայնի Գազայի հատվածում ժամանակավոր զինադադարի՝ պատանդների ազատ արձակման դիմաց, սակայն չի համաձայնի երկարաժամկետ զինադադարի։
«Մինչ օրս Իսրայելը չի ընդունել մշտական հրադադարը, առանց ԱՄՆ-ի ճնշման Իսրայելը մտադիր չէ երաշխավորել մշտական հրադադարը:
Կարծես թե նա կհամաձայնի որոշակի ժամկետով զինադադարի` պատանդներին ազատ արձակելու դիմաց»,- Իտալիայից վերադառնալուն պես ինքնաթիռում լրագրողներին ասել է թուրք առաջնորդը։
Նրա խոսքով՝ Թուրքիայի ԱԳՆ-ը մարդասիրական օգնության վերաբերյալ պարբերաբար բանակցություններ է վարում ինչպես արեւմտյան երկրների, այնպես էլ պաղեստինցիների ու իսրայելական կողմի հետ։
