Հնդկաստանից վեցամյա աղջիկը վարակվել է կատաղությամբ՝ պատվաստված շան կծելուց հետո, հաղորդում է Times of India-ն։
Դեպքը տեղի է ունեցել, երբ աղջիկը գնացել է իր տան մոտ գտնվող խանութ և նրան շունը կծել է։ Կենդանին խորը վերքեր է հասցրել երեխայի գլխին, ոտքերին և ուսին։ Տուժածին շտապ տեղափոխել են Տիրուրանգադիի հիվանդանոց, ապա՝ Կոժիկոդեի բժշկական քոլեջի հիվանդանոց, որտեղ նրան ներարկել են կատաղության դեմ պատվաստանյութ և իմունոգլոբուլինային թերապիա։
Բուժումից հետո տուժածի վիճակը բարելավվել է. վնասվածքները լավացել են, և նա սկսել է վերադառնալ իր բնականոն կյանքին։ Սակայն վերջերս աղջկա ջերմաստիճանը կրկին բարձրացել է, և նա կրկին հոսպիտալացվել է։
Բժշկական հետազոտությունները հաստատել են կատաղության վիրուսով վարակվածությունը։ Բժիշկները նշել են, որ վիրուսը կարող էր ներթափանցել կենտրոնական նյարդային համակարգ նախքան պատվաստանյութի ազդեցության սկսվելը, քանի որ խայթոցները գլխին և պարանոցին էին։
Դպրոցական աղջիկն այժմ ծանր վիճակում է՝ նա չի կարողանում աչքերը բաց պահել և հրաժարվում է ուտել։
