BRICS-ի երկրները պետք է առաջատար դեր ստանձնեն միջազգային ասպարեզում խաղաղության և զարգացման խթանման գործում:
Այս մասին Ռիո դե Ժանեյրոյում BRICS-ի երկրների արտգործնախարարների հանդիպմանը հայտարարել է Չինաստանի ԱԳՆ ղեկավար Վան Ին։
«ԲՐԻԿՍ-ի երկրները, հանդես գալով որպես դրական և կառուցողական ուժ միջազգային ասպարեզում, պետք է ստանձնեն առաջատար դեր և դառնան խաղաղության և զարգացման հենակետ»,-նախարարի խոսքերը մեջբերված են Չինաստանի ԱԳՆ կայքում։
Նրա խոսքով՝ միջազգային իրավիճակը խորը փոփոխությունների է ենթարկվել, աշխարհը թեւակոխել է ցնցումների շրջան, իսկ խաղաղության ու զարգացման գործը կանգնած է նոր ու լուրջ մարտահրավերների առաջ։
