Հայաստանի Թեքեյան մշակութային միության նախաձեռնությամբ և բարերար Ռուբեն Գրիգորյանի մեկենասությամբ վերահրատարակվել ու թվայնացվել է ֆրանսահայ հայտնի քարտեզագիր Զատիկ Խանզադյանի՝ հայագիտական մեծ արժեք ներկայացնող, 1960 թվականին տպագրված «Հայաստանի պատմական քարտեզագրության ատլաս» աշխատությունը: Երեկ՝ ապրիլի 18-ին, «Թեքեյան» կենտրոնում տեղի ունեցավ Զատիկ Խանզադյանի աշխատության վերահրատարակության շնորհանդեսը, որին ներկա էր գիտական ողջ հանրությունը:
Վերահրատարակության հեղինակը՝ քարտեզագետ, պատմական գիտությունների դոկտոր Վարդան Մխիթարյանը, ինչպես և շնորհանդեսին ներկա ականավոր հայ պատմաբաններն իրենց խոսքում շեշտեցին «Հայաստանի պատմական քարտեզագրության ատլաս»-ի վերահրատարակության արդիականությունն ու ինչպես գիտական, այնպես էլ պատմաքաղաքական ու աշխարհաքաղաքական կարևորությունը:
ԳԱԱ Պատմության ինստիտուտի տնօրեն, ակադեմիկոս Աշոտ Մելքոնյանն այդ համատեքստում ընդգծեց՝ իրական Հայաստանը Խանզադյանի պատմական քարտեզներում ներկայացված 400.000 քառ. կիլոմետրն է, ոչ թե այսօրվա 29. 743 հազարը: Մեկենաս Ռուբեն Գրիգորյանը վերահրատարակված ատլասի օրինակներ նվիրաբերեց Հայաստանի և արտերկրի հայագիտական կենտրոններին, գրադարաններին ու գիտակրթական հաստատություններին:
Մանրամասները՝ տեսանյութում:
Արամ Սարգսյան
