Կորեայի Հանրապետության զինվորականները միջկորեական սահմանից հարավ «կրակոցներ են արձակել»՝ ի պատասխան ԿԺԴՀ-ի ճանապարհների ռմբակոծմանը։ Այս մասին հայտնում է Yonhap գործակալությունը՝ հղում անելով Կորեայի Հանրապետության զինված ուժերի շտաբների պետերի կոմիտեին։
Կոմիտեն նշել է, որ Հարավային Կորեայի զինված ուժերը ոչ մի կերպ չեն տուժել ԿԺԴՀ-ն և Կորեայի Հանրապետությունը կապող ճանապարհների ռմբակոծությունից։
«Մեր զինված ուժերը պատասխան կրակ են իրականացրել ռազմական սահմանազատման գծից հարավ ընկած շրջանում»,- ասել է Սեուլը։
Ավելի վաղ կոմիտեն հայտնել էր, որ ԿԺԴՀ-ի զինվորականները պայթյուններ են կազմակերպել թերակղզու արևելքում և արևմուտքում, որոնք, ենթադրաբար, նպատակ ունեն վնասել Հարավային Կորեա տանող ճանապարհները: Հարավկորեական կողմի տվյալներով՝ Ժողովրդական Հանրապետության զինվորականները շարունակում են «լրացուցիչ գործունեությունը ծանր տեխնիկայի օգտագործմամբ»։
