Մորաքրոջ տղայից սուրճ է խնդրել, գնացել մուրճի հետևից ու դրանով սպանել նրան, հափշտակած շղթան վաճառել 65 հազար դրամով

15.10 11:13 | Կատեգորիա Հասարակություն

ՀՀ քննչական կոմիտեի Կոտայքի մարզային քննչական վարչության Աբովյանի քննչական բաժնում քննվող քրեական վարույթի շրջանակներում իրականացված քննչական և ապացուցողական մեծածավալ և համակարգված գործողությունների արդյունքում պարզվել են Ձորաղբյուր բնակավայրի բնակչի սպանության՝ քննության համար էական նշանակություն ունեցող հանգամանքները: Այս մասին NEWS.am-ը տեղեկանում է ՔԿ-ից:

Քննությամբ, մասնավորապես, հիմնավորվել է, որ Ջրվեժ համայնքի Ձորաղբյուր բնակավայրի 42-ամյա բնակիչը, իր մորաքրոջ որդու տուն կատարած այցելությունների ընթացքում տեսնելով վերջինիս պարանոցի ոսկյա շղթան, պլանավորել է շահադիտական դրդումներով սպանել նրան և ավազակությամբ հափշտակել այն:

Իր մտադրությունն իրագործելու նպատակով 42-ամյա տղամարդը 2024 թվականի հոկտեմբերի 8-ին՝ ժամը 14:00-ի սահմաններում, այցելել է նշված ազգականին և տեսնելով, որ նա տանը միայնակ է, փայտ կոտրելու պատրվակով վերջինից կացին է խնդրել, սակայն պարզելով, որ տանը կացին չունի, որոշել է իր տանը գտնվող մուրճով սպանել:

Որպեսզի տուժողը չհասկանա իր այցելության իրական նպատակը, վերջինին խնդրել է սուրճ հյուրասիրել, որից հետո վերադարձել է իր տուն՝ հանցագործության գործիք հանդիսացող մուրճը վերցնելու և դրանով իր մտադրված հանցագործություններն ավարտին հասցնելու նպատակով:

Իր բնակության վայրից վերցնելով մուրճը և այն թաքցնելով պարկի մեջ, իսկ խոհանոցային դանակը՝ գոտկատեղում, ժամը 15:00-ի սահմաններում վերադարձել է ազգականի տուն և երբ վերջինս նստել է մահճակալին, 42-ամյա տղամարդը, պարկից աննկատ հանելով մետաղյա գլխով մուրճը, մի քանի հարված է հասցրել նրա գլխի գագաթային շրջանին և, պատճառելով կյանքի հետ անհամատեղելի՝ գանգի ներհրված կոտրվածքների ձևով վնասվածքներ՝ սպանել է նրան: Տեսնելով, որ մորաքրոջ որդին անշարժացել է, իր հետ նախապես վերցված դանակով կտրելով վերջինի պարանոցին առկա ոսկյա շղթան և հափշտակելով 36,5 սմ երկարությամբ ոսկյա շղթայի մի հատվածը՝ հեռացել է՝ հանցագործության գործիք հանդիսացող մուրճը և դանակը թողնելով դեպքի վայրում: Քննությամբ պարզվել է, որ ազգականին սպանելուց հետո 42-ամյա տղամարդը գնացել է Երևանի առևտրի կենտրոններից մեկը, որտեղ հափշտակված ոսկյա շղթայի մասը 65.000 ՀՀ դրամով վաճառել է: Ձեռք բերված բավարար փաստերի հիման վրա 42-ամյա տղամարդու նկատմամբ հանրային քրեական հետապնդում է հարուցվել է՝ ՀՀ քրեական օրենսգրքի 155-րդ հոդվածի 2-րդ մասի 10-րդ կետով և 252-րդ հոդվածի 2-րդ մասի 5-րդ կետով, և նրան ներկայացվել է մեղադրանք։ Միջնորդություն է ներկայացվել դատարան՝ վերջինիս նկատմամբ որպես խափանման միջոց կալանավորում կիրառելու վերաբերյալ, որը բավարարվել է: Նախաքննությունը շարունակվում է:

Ամենաշատ կարդացվածներ

Ֆինանսավորումը պակասեցրել են. առողջապահության նախարարը պարտադրում էր խախտումների հետ համաձայնեմ (տեսանյութ)

19.06 20:52 | Կատեգորիա Քաղաքական

39-ամյա Իրինա Շեյքը թարմացրել է իր անձնական բլոգը՝ հրապարակելով սելֆի համարձակ կերպարով

19.06 22:05 | Կատեգորիա Ժամանց

Փաշինյանը վտանգ է տեսնում․ Ալեքսանյանը սկսի խոսել՝ սիթիում էլ պրոբլեմներ ի հայտ կգան․ Սողոմոնյան (տեսանյութ)

20.06 20:01 | Կատեգորիա Քաղաքական

Ի՞նչ պահանջներ է Էրդողանը դնելու Փաշինյանի առջև. Իսկանդարյանը՝ Ստամբուլի խորհրդավոր հանդիպման մասին (տեսանյութ)

20.06 20:37 | Կատեգորիա Քաղաքական

Բաքուն և Թուրքիան հարձակվելու են. իրանցի փորձագետը կոչ է անում դիմել Իրանի ռազմական օգնությանը (տեսանյութ)

20.06 22:45 | Կատեգորիա Քաղաքական

Զեմֆիրայի համերգը կասեցվել է թույլտվության բացակայության պատճառով

19.06 23:07 | Կատեգորիա Ժամանց

Ալեք Բոլդուինին կրկին մեղադրանք է առաջադրվել օպերատորի սպանության գործով

20.06 21:52 | Կատեգորիա Ժամանց

Օխլոկրատիայից դեպի տոտալիտարիզմ. քաղաքագետը բացահայտում է Փաշինյանի ամենամեծ սարսափը (տեսանյութ)

19.06 22:25 | Կատեգորիա Քաղաքական

Քաղցկեղով հիվանդ Քեյթ Միդլթոնը ՝ առողջական վիճակի պատճառով չի մասնակցել թագավորական ձիարշավին

19.06 22:41 | Կատեգորիա Ժամանց

ՈՒՂԻՂ

Կրթության ոլորտում մսխված յուրաքանչյուր դրամ գողացված ապագա է․ Մհեր Մելքոնյան (տեսանյութ)