Կինը խորթ դստերը փոխանակել է կապիկի հետ

12.04.2025 22:05 | Կատեգորիա Ժամանց

ԱՄՆ-ում տարեց կինն իր խորթ դստերը փոխանակել է էկզոտիկ կենդանու հետ։ Այս մասին գրում է WSB Radio-ն։

Միսսուրի նահանգի Ուինֆիլդ քաղաքում բնակվող 70-ամյա կնոջը մեղադրանք է առաջադրվել երեխաների նկատմամբ բռնության և նրանց կյանքը վտանգի դնելու համար։ Ամերիկացի կինը ժամանակավոր խնամատար է եղել անապահով և որբ երեխաների համար։ Վերջին 15 տարիների ընթացքում նա խնամել է ավելի քան 200 երեխայի և դեռահասի։ Ամերիկուհին նրանցից շատերին որդեգրել է։

Փետրվարին նրա որդեգրված դուստրերից մեկը դադարել է դպրոց հաճախել։ Մի քանի շաբաթ անց շերիֆի տեղակալը հետաքննություն է սկսել։ Նրան հաջողվել է պարզել, որ կինը երեխային փոխանակել է կապիկի հետ։

Ամերիկուհին էկզոտիկ կենդանիներ էր պահում և աղջկան տվել է Տեխասում բնակվող իր ընկերուհուն՝ նրա դիմաց ստանալով կապիկ։ Այս վարկածը հաստատել են երկու վկաները, որոնք տեղափոխել էին աղջկան։

Դրանից հետո երեխային վերցրել է խնամակալության ծառայությունը։ Աղջիկը պատմել է, որ խորթ մայրը ծեծել է իրեն փայտե ձողերով, կոշիկներով։ Նա փորձել է պատմել մյուս մեծահասակներին, թե ինչ է կատարվում, բայց ոչ ոք չի հավատացել իրեն։

Աղջկան որդեգրած մայրը ձերբակալվել է։ Ավելի ուշ պարզվել է, որ նա, հնարավոր է, բռնության է ենթարկել նաև իր խնամքի տակ գտնվող մյուս երեխաներին։ Երեխաների նկատմամբ բռնության դեմ պայքարի թեժ գծին ստացվել է մեղադրյալի վերաբերյալ ավելի քան 250 բողոքներով զանգ։

Լրահոս

02:21

Իսակովի պողոտայում «BMW»-ն բшխվել է «Mercedes»-ին, ապա թիվ 61 երթուղին սպասարկող «Zhongtong» ավտոբուսին․ կան վիրшվորներ

00:46

«Մենք ուժեղ ենք միասին, Նիկոլ Սաֆարով»․ Արմեն Աշոտյանը ծաղրում է Փաշինյանին

00:07

Արթուր Օսիպյանի ֆանատը չեմ, բայց նա Արցախում պայքարում էր կոռուպցիայի դեմ. Դանիել Իոննիսյան

23:15

Իրանի առողջապահության նախարարությունը հրապարակել է երկրի գերագույն առաջնորդի վիճակի մասին տեղեկատվություն

23:04 Կարևոր