2025 թվականի մարտի 19-ին Երևանի Ռուսական Տանը (Բաղրամյան 34) տեղի կունենա «Живая классика» պատանի ընթերցողների միջազգային մրցույթի ազգային եզրափակիչը։ Սա հնարավորություն է ներկայացնելու Հայաստանը միջազգային մակարդակով և դառնալու համաշխարհային գրական համայնքի մի մասը։
Ազգային եզրափակչին կմասնակցեն ինչպես Հայաստանի մարզերից, այնպես էլ մայրաքաղաքի պատանի ընթերցողները։ Եզրափակիչը կանցկացվի երկու փուլով․ • ժամը 11:30-ից ելույթ կունենան Հայաստանի մարզերի դպրոցականները, • իսկ ժամը 13:00-ից բեմ կբարձրանան Երևանի եզրափակչի մասնակիցները։ Մրցույթի անցկացման 10 տարիների ընթացքում մասնակցել է ավելի քան 10 միլիոն դպրոցական՝ Ռուսաստանի 85 տարածաշրջաններից և աշխարհի 80 երկրներից։
Մրցույթի մասնակիցները կցուցադրեն իրենց վարպետությունը՝ արտասանելով ռուս մեծ գրողների ստեղծագործություններից հատվածներ՝ փոխանցելով ոչ միայն տեքստերի իմացությունը, այլև դասական գրականության մթնոլորտն ու հույզերը։
Հայաստանը մրցույթին մասնակցում է 2013 թվականից, և այս տարիների ընթացքում հայ դպրոցականները բազմիցս գրավել են մրցանակային տեղեր, իսկ 2013, 2018 և 2023 թվականներին դարձել են հաղթողներ։
Բոլոր մասնակիցները կստանան մրցույթի դիպլոմներ և հուշանվերներ, իսկ երեք հաղթողները կստանան բացառիկ հնարավորություն՝ մասնակցելու միջազգային եզրափակչին Ռուսաստանում։ Հրավիրում ենք լրատվամիջոցների ներկայացուցիչներին՝ լուսաբանելու եզրափակիչը։
Ակրեդիտացման հարցերով զանգահարել՝ +374 41 140014 Հարգանքով, Ռուսական գիտության և մշակույթի կենտրոնի մամուլի ծառայություն
