Ռուսաստանի և ԱՄՆ նախագահներ Վլադիմիր Պուտինը և Դոնալդ Թրամփը բանակցություններ են վարում, սոցցանցերում հայտնել է ԱՄՆ նախագահի օգնական և աշխատակազմի ղեկավարի տեղակալ Դեն Սկավինոն։
«Նախագահ Թրամփը ներկայումս գտնվում է Օվալաձև աշխատասենյակում և խոսում է Ռուսաստանի նախագահ Վլադիմիր Պուտինի հետ՝ սկսած առավոտյան ժամը 10:00-ից: (Մոսկվայի ժամանակով 17։00) Զանգը լավ է ընթանում և դեռ շարունակվում է»,- РИА Новости-ի փոխանցմամբ՝ գրել է նա:
Նշվում է, որ զրույցն արդեն տեւել է ավելի քան մեկուկես ժամ։
Երեքշաբթի ավելի վաղ Ռուսաստանի ղեկավարի մամուլի քարտուղար Դմիտրի Պեսկովը հայտնել էր, որ երկու երկրների ղեկավարների բանակցությունները տեղի կունենան Մոսկվայի ժամանակով 16:00-18:00-ն։ Նրա խոսքով, մեծ թվով հարցեր կան ինչպես երկկողմ հարաբերությունների հետագա կարգավորման, այնպես էլ ուկրաինական կարգավորման հետ կապված։
Պաշտոնյան հավելել է, որ Կրեմլը կորոշի հաղորդագրության ձևը, որից հետո Պուտինը ելույթ կունենա։
Վերջին անգամ նախագահները խոսել են փետրվարի 12-ին, իսկ բանակցությունները տեւել են գրեթե մեկուկես ժամ։ Ի թիվս այլ հարցերի, նրանք քննարկել են Ուկրաինայում տիրող իրավիճակը։ Պետությունների ղեկավարները պայմանավորվել են շարունակել շփումները, այդ թվում՝ անձնական հանդիպման կազմակերպման հարցով։
Թարգմանությունը՝ Մանուել Թամազյանի
