Մարտի 15-ին՝ կեսգիշերից հետո Թբիլիսիում՝ Ճավճավաձեի պողոտայում, փոխհրաձգություն է տեղի ունեցել. Մեկ մարդ զոհվել է, ևս մեկը վիրավորվել է։ Վիրավորը տեղափոխվել է կլինիկա, նրա կյանքին վտանգ չի սպառնում։
Ինչպես Interpressnews գործակալությանը պատմել են ականատեսները, լսել են մինչև 10 կրակոց, երկու գնդակ դիպել է նույն տեղում գտնվող սրճարանի պատուհանին։
Ըստ առկա տեղեկությունների՝ սպանվածը օրենքով գող Մերաբ Ջանգվելաձեի եղբայրն է՝ Լեւանը։
Ինչպես հայտնել են Վրաստանի ՆԳՆ-ից, հետաքննություն է սկսվել Վրաստանի Քրեական օրենսգրքի 108-րդ և 236-րդ հոդվածներով՝ դիտավորյալ սպանություն և ապօրինի կերպով հրազեն ձեռք բերել, պահել և կրել։
Թարգմանությունը՝ Մանուել Թամազյանի
