Գաղափարական դեգրադացիան շատ լավ արտահայտվում է Գյումրիի ընտրություններին մասնակցող «լավ տղաների» կարգախոսներում: Այս մասին իր էջում գրել է քաղաքագետ Ստեփան Դանիելյանը:
««Մեր Սարիկը», «Ձեր Լևոնը», «Մեր քաղաքը» ....Գյումրիի ընտրությունների նախընտրական կարգախոսներից կարելի է հասկանալ, որ թեկնածուներից շատերի հիմնական ուղերձն այն է, որ իրենք լավ մարդ են, քաղաքը սիրում են, քաղաքն էլ պետք է իրենց սիրի ու ... ընտրի։
«Սերը», «լավ» ու «վատ» տղա լինելը քաղաքական կատեգերիա չէ, և իրենց մեջ զարգացում, խնդիրների լուծման ուղերձներ չեն պարունակում։
Երբ բացակայում է քաղաքական, կամ անգամ պարզ մտածողությունը, սկսում են շահագործել էմոցիաները, ինչպես եղավ 2018-ին, համապատասխան հետևանքներով հանդերձ։
Գաղափարական, ինտելեկտուալ դեգրադացիան, մտքի անապատը շատ լավ արտահայտվում է Գյումրիի ավագանու ընտրություններին մասնակցող, իրենց քաղաքը սիրող «լավ տղաների« կարգախոսներում»։
