ՌԴ Անվտանգության խորհրդի քարտուղար Սերգեյ Շոյգուն ասել է, որ քննարկել է Ուկրաինայի հակամարտությունը և Ինդոնեզիայում Ռուսաստանի և ԱՄՆ-ի միջև բանակցությունների հեռանկարները։
Շոյգուին Ջակարտայում ընդունել է Ինդոնեզիայի նախագահ Պրաբովո Սուբիանտոն։ ՌԴ Անվտանգության խորհրդի քարտուղարը հանդիպում է ունեցել նաև Ինդոնեզիայի պաշտպանության նախարար Շաֆրի Շամսուդդինի հետ։
«Մենք խոսեցինք և քննարկեցինք Ուկրաինայի հետ կապված բոլոր վերջին գործողություններն ու քայլերը, ինչպես նաև Ռուսաստանի և ԱՄՆ-ի միջև բանակցությունները, մենք մեր գործընկերներին և, իհարկե, առաջին հերթին նախագահին փոխանցեցինք, թե որտեղ ենք մենք այսօր, ինչ է քննարկվում և ինչ հեռանկարներ կան», - ասել է Շոյգուն։
Նաև, նրա խոսքով, Ինդոնեզիան և Ռուսաստանը քննարկել են Մերձավոր Արևելքում հրատապ խնդիրներն ու սպառնալիքները։
