ԱՄՆ-ը ակնկալում է, որ ամերիկացի առաջնորդ Դոնալդ Թրամփը շատ շուտով կհանդիպի Ռուսաստանի նախագահ Վլադիմիր Պուտինի, ինչպես նաև Վլադիմիր Զելենսկիի հետ։ Այս մասին Fox News-ի եթերում հայտարարել է Սպիտակ տան մամուլի քարտուղար Քերոլայն Լևիտը։
Սպիտակ տան մամուլի քարտուղարը նշել է, որ Թրամփը ցանկանում է, որ Կիևի և Վաշինգտոնի միջև կնքվի հազվագյուտ հողային մետաղների վերաբերյալ գործարք։
«Մենք ակնկալում ենք, որ այդ հանդիպումները տեղի կունենան շատ շուտով, հատկապես նախագահ Զելենսկիի հետ։
Նախագահը ակնկալում է, որ Զելենսկին կստորագրի այս գործարքը։ Դա ճիշտ կլինի՝ հաշվի առնելով այն, ինչ արել են ամերիկացի հարկատուները Ուկրաինայի համար։
Եթե չլինեին ամերիկացիները, Ուկրաինան այլևս չէր լինի որպես երկիր, և նախագահ Թրամփը դա հասկանում է»,-ավելացրել է Լևիտը:Փետրվարի սկզբին Թրամփը հայտարարեց, որ Վաշինգտոնը հետաքրքրված է Ուկրաինայից հազվագյուտ հողային մետաղներ ստանալու հարցում։
