Մերձմոսկովյան Կրասնոգորսկ քաղաքի Crocus City Hall համերգասրահում տեղի ունեցած ահաբեկչության զոհերի հիշատակը հավերժացնող հուշահամալիր կբացվի ողբերգության տարելիցի օրը՝ մարտի 22-ին։ Այս մասին RIA Novosti-ին հայտնել են համերգասրահի մամուլի ծառայությունից։
Աղբյուրի փոխանցմամբ՝ հուշահամալիրը կբացվի ողբերգության տարելիցի օրը՝ մարտի 22-ին։ Գործակալության թղթակիցը նշել է, որ համերգասրահի դիմաց արդեն մետաղյա կառույց է հայտնվել, որը, ենթադրաբար, կդառնա հուշահամալիրի հիմքը։ Գործակալության աղբյուրը պարզաբանել է, որ հուշահամալիրը կկանգնեցնեն շենքի սեփականատերերը։
Կրոկուսում ահաբեկչությունը տեղի է ունեցել 2024 թվականի մարտի 22-ի երեկոյան։ Ավտոմատներով զինված մի քանի տղամարդ կրակ են բացել այցելուների վրա։ Շենքում խոշոր հրդեհ է բռնկվել, այդ թվում՝ ամբողջությամբ այրվել է համերգասրահը, որտեղ այդ երեկո պետք է ելույթ ունենար «Պիկնիկ» խումբը։ Չորս ահաբեկիչներին օգնելու մեջ մեղադրվում են ևս մի քանի անձինք։
