Բելգիական 30 F-16-ներից առաջինի տեղափոխումը Կիև հետաձգվել է առնվազն մեկ տարով՝ մինչև 2025 թվականի վերջ՝ ԱՄՆ-ից Բելգիա F-35 ինքնաթիռների մատակարարումների հետաձգման պատճառով: Այս մասին Soir թերթին տված հարցազրույցում հայտարարել է Բելգիայի գլխավոր շտաբի պետ, ավիացիայի գեներալ Ֆրեդերիկ Վանսինան։
«Մենք հուսով ենք, որ այս տարվա վերջից կսկսենք մատակարարել առաջին ինքնաթիռը Ուկրաինա»,-ասել է Վանսինան: Նրա խոսքով` բոլոր ժամկետները տեղափոխվում են F-35 նոր ինքնաթիռների մատակարարումների ձգձգման պատճառով, որոնք 2023 թվականի փոխարեն կսկսեն մատակարարվել միայն այս տարվա վերջին, իսկ լիարժեք գործառնական պատրաստության պետք է հասնեն 2027 թվականին։
Անցյալ տարի Բելգիայի պաշտպանության այն ժամանակվա նախարար Լյուդիվին Դեդոնդերը բազմիցս խոստացել էր Զելենսկիին Ուկրաինային մատակարարել բելգիական առաջին երկու F-16-ները, ինչը տեղի չունեցավ։
