Ֆինլանդիայի պաշտպանության նախարարությունը հայտարարել է Ուկրաինային 198 մլն եվրո ընդհանուր գումարով ռազմական օգնության 27-րդ փաթեթի հատկացման մասին։
Այս մասին հայտնում է Yle հեռարձակող ընկերությունը՝ գերատեսչության մամուլի ծառայությանը հղումով։
Մատակարարված նյութերի ցանկի, ժամկետների և առաքման եղանակների վերաբերյալ մանրամասներ չեն բացահայտվում: Նշվում է, որ օգնության փաթեթը համաձայնեցնելիս հաշվի են առնվել Ուկրաինայի կարիքները և Ֆինլանդիայի ռազմարդյունաբերական համալիրի հնարավորությունները։
Ընդհանուր առմամբ, 2022 թվականից ի վեր Ֆինլանդիան Կիև է ուղարկել 2,5 միլիարդ եվրոյի զենք և այլ սարքավորումներ ռազմական կարիքների համար:
