Երևանի նախկին քաղաքապետ, «Նոր ուժ» կուսակցության ղեկավար Հայկ Մարությանը երևանցիներին կոչ է անում փետրվարի 1-ից շարունակել բոյկոտը ուղևորատոմսի նոր սակագնի դեմ։ Ֆեյսբուքյան իր էջում հրապարակված տեսանյութում Մարությանը պնդում է՝ Երևանի հասարակական տրանսպորտում 1 ուղևորության արժեքը պետք է լինի 100 դրամ, ոչ ավելին։
«Ժողովրդի պահանջը 150 դրամը չէր, այլ 100 դրամը։ Սա նշանակում է, որ ժողովրդի ճնշման ներքո իշխանությունները հետքայլ են անում։ Բայց եկեք չմոռանանք, թե ինչից էր ամեն ինչ սկսվել։ Իսկ սկսվեց նրանից, որ նրանք հայտարարեցին, որ 1 ուղևորության դիմաց՝ 300 դրամ։ Իսկ հիմա հայտարարում են 150 դրամ։ Սա նշանակում է, որ նրանք բացարձակ ոչ մի հաշվարկ չունեն, ոչ մի թիվ չկա դրված նրանց յուրաքանչյուր որոշման տակ։ Հիշեցնում եմ, որ ժողովրդի պահանջը 150 դրամը չէր, այլ 100 դրամը, փետրվարի 1-ից բոյկոտը մնում է ուժի մեջ»։
