Նավոյի մարզում 15-ամյա դպրոցականը մահացու վրաերթի է ենթարկել ճանապարհային ոստիկանության աշխատակցին ու դիմել փախուստի, Euromedia24.com-ի փոխանցմամբ՝ հայտնում են ուզբեկական լրատվամիջոցները՝ վկայակոցելով շրջանային ճանապարհային ոստիկանությանը։
Լրատվամիջոցների տվյալներով՝ միջադեպը տեղի է ունեցել դեկտեմբերի 19-ին՝ ժամը 01:45-ին, Իսլամ Քարիմով Նավոյի փողոցում։ Ճանապարհային ոստիկանության տեսուչը փորձել է կանգնեցնել Kia Sonet առանց համարանիշների ավտոմեքենան. Սակայն վարորդը կանգ չի առել, դուրս է եկել հանդիպակաց գոտի և հարվածել տեսուչին։
Դրանից հետո նա դեպքի վայրից դիմել է փախուստի։ Իրավապահը ստացած վնասվածքներից տեղում մահացել է։ Ավելի ուշ պարզվել է, որ Kia Sonet-ը վարել է 15-ամյա դեռահաս, իսկ մեքենան պատկանել է նրա հորը։ Մեքենան արագ հայտնաբերվել և տեղափոխվել է տուգանային հրապարակ։
