Արևմուտքը սկսեց պատժամիջոցներ կիրառել Վրաստանի դեմ, քանի որ երկիրը ժամանակին «երկրորդ ճակատ» չբացեց Ռուսաստանի դեմ։ Այս մասին լրագրողներին հայտնել է իշխող «Վրացական երազանք-Ժողովրդավարական Վրաստան» կուսակցության գլխավոր քարտուղար, Թբիլիսիի քաղաքապետ Կախա Կալաձեն։
«Երբ խոսքը վերաբերում է երկրին ու նրա շահերին, ո՞րն է սպառնալիքների ու պատժամիջոցներով շանտաժի շարժիչ ուժը, ինչո՞ւ են դա անում, այս ամենն ունի պատճառներ:
Առաջինն այն է, որ մենք երկիրը չզիջեցինք, չներառեցինք պատերազմի մեջ, չբացեցինք «երկրորդ ճակատ», չնայած որ գրասենյակներում, կոնկրետ դեսպանների կողմից սրա կոչեր եղան։ Այս փուլում ես ձեռնպահ կմնամ անուններ տալուց»,- ասել է Կալաձեն։
Քաղաքական գործիչը ևս մեկ անգամ նշել է, որ Վրաստանին ոչ ոք չի վախեցնի պատժամիջոցներով և շանտաժով, և իշխանությունները չեն շեղվի իրենց ընտրած ճանապարհից։
Անցյալ տարվա նոյեմբերի 30-ին Պետդեպարտամենտը հայտարարեց, որ Միացյալ Նահանգները դադարեցրել է իր ռազմավարական գործընկերությունը Վրաստանի հետ։
