ԱՄՆ նոր վարչակազմի քաղաքականությունը Չինաստանի հետ արտաքին առևտրի և հարկերի ու դրույքաչափերի հարցում կարող է բացասական ազդեցություն ունենալ Թուրքիայի և տարածաշրջանային շուկայի վրա։ Նման կարծիք է հայտնում Dünya տնտեսական հրատարակությունը։
ԱՄՆ նորընտիր նախագահ Դոնալդ Թրամփը ավելի վաղ հայտարարել էր, որ կարող է Չինաստանից ներմուծման մաքսատուրքերը բարձրացնել մինչև 50% և մինչև 20% բոլոր այլ ներմուծումների համար:
Հրատարակությունը նշում է, որ, ամենայն հավանականությամբ, նման իրավիճակում «ամերիկյան ընկերությունները կվերակազմավորեն իրենց մատակարարման շղթաները այն երկրների շուրջ, որոնք ավելի ցածր սակագներ ունեն»։
Միաժամանակ, վտանգ կա, որ Եվրոպան կպատասխանի ԱՄՆ-ի բարձր մաքսատուրքերին, և կստեղծվի հակաամերիկյան առևտրային ինչ-որ բլոկ։ Սակայն սպառնալիքը մնում է այն, որ Չինաստանը ԱՄՆ-ում չվաճառվող իր արտադրանքը կուղղորդի դեպի այլ շուկաներ, այդ թվում՝ Թուրքիա՝ ագրեսիվ կերպով դեմպինգ անելով և լուրջ մրցակցային ճնշում ստեղծելով տեղական տնտեսությունների վրա:
Թրամփի հարկաբյուջետային քաղաքականությունը, ինչպես գրում է Dnya-ն, ռիսկեր է պարունակում նաև մի շարք երկրների, այդ թվում՝ Թուրքիայի համար։
