Հանրային հեռուստաընկերության երկարամյա աշխատակից Հրաչյա Պապինյանը ֆեյսբուքյան իր էջում գրել է․
«« Անկյուն +3 » հեռուստաընկերության տնօրեն, լրագրող, Ալավերդու թատրոնի գեղարվեստական ղեկավար և «Թատերական Լոռի» միջազգային փառատոնի տնօրեն Հրաչյա Պապինյանն արժանացել է «Վալլեքս» խմբի ընկերությունների բարձրագույն պարգևին՝ «Փիրուզե խաչ» շքանշանի:
«Վալլեքս » խմբի ընկերությունների նախագահ Վալերի Մեջլումյանը հանդիսավոր պայմաններում շքանշանը հանձնել է Հրաչյա Պապինյանին, շնորհակալություն հայտնել խմբի ընկերություններում երկարամյա աշխատանքի համար:
Շքանշանը տրվել է խմբի ընկերությունների տեղեկատվության և հանրային կապերի բաժնում ավելի քան քսան տարվա արդյունավետ աշխատանքի, «Անկյուն+3» հեռուստտաընկերության գործունեության 25-ամյակի, ինչպես նաև «Թատերական Լոռի» 30-րդ փառատոնը բարձր մակարդակով անցկացնելու համար:
Պատասխան խոսքում Հրաչյա Պապինյանը շնորհակալությւոն է հայտնել «Վալլեքսի» ղեկավարներին, նախագահ Վալերի Մեջլումյանին և ասել է, որ շուրջ քսան աշխատանքային տարիներն ընկերությունում, իր համար չափազանց հետաքրքիր են եղել՝ մասնակից դարձնելով տնտեսական խոշոր ծրագրերի իրականացմանը: Եվ ինչպես ռեժիսորն է մութ ու դատարկ բեմ մտնում, ապա լույսերի, դերասանների, նկարչության ու տեքստի միջոցով անկենդան միջավայրը կենդանացնում, այնպես էլ «Վալլեքսում» մասնակիցը եղավ դատարկ վայրերում տնտեսական խոշոր ծրագրերի իրականացմանը, տնտեսական ակտիվացմանը»:
