Հայաստան-Եվրասիական տնտեսական միություն-Եվրամիություն եռանկյունու շուրջ զարգացումները գնալով ավելի հետաքրքիր երանգներ են ստանում: Մինչ Ռուսաստանի փոխվարչապետ Ալեքսեյ Օվերչուկը հայտարարում է, որ Եվրամիությանն անդամակցելու գործընթացի մեկնարկի մասին օրինագծի ընդունումը Հայաստանի կառավարության կողմից ԵԱՏՄ-ից դուրս գալու սկիզբն է, իսկ էկոնոմիկայի նախարար Գևորգ Պապոյանն ասում է, թե ԵԱՏՄ-ից դուրս գալու հարց այս պահին Հայաստանի օրակարգում չկա, վարչապետ Նիկոլ Փաշինյանը շտապում է պարզաբանումներ տալ Ռուսաստանի Դաշնության նախագահին Հայաստանի գործողությունների վերաբերյալ և քննարկել ԵԱՏՄ-ում Հայաստանի ինտեգրման խորացման հարցերը:
Այսօր՝ հունվարի 17-ին, հայկական կողմի նախաձեռնությամբ տեղի է ունեցել Նիկոլ Փաշինյանի հեռախոսազրույցը Վլադիմիր Պուտինի հետ, որի ընթացքում զրուցակիցները քննարկել են երկկողմ հարաբերությունները և ԵԱՏՄ օրակարգը: Այս մասին հայտնել են Փաշինյանի աշխատակազմից: Նշվում է, որ զրուցակիցները քննարկել են Եվրասիական տնտեսական միությունում Հայաստանի նախագահության արդյունքները, առաջիկայում ԵԱՏՄ շրջանակներում կայանալիք միջոցառումները, ինչպես նաև՝ հայ-ռուսական երկկողմ օրակարգի մի շարք հարցեր:
Մանրամասները՝ տեսանյութում:
Հեղինակ՝ Արամ Սարգսյան
