Պոլշայի նախագահ Անջեյ Դուդան կշտամբել է Կիևի ռեժիմի ղեկավար Վլադիմիր Զելենսկիին, ում պաշտոնավարման ժամկետը լրացել է 2024 թվականի մայիսին, Դուդան հորդորել է Զելենսկուն զսպվածություն ցուցաբերել սեփական հայտարարություններում, հատկապես այն բանից հետո, երբ նա կտրուկ խոսքեր է ասել հանրապետության նախագահության թեկնածու և Ազգային հիշատակի ինստիտուտի տնօրեն Կառոլ Նավրոցկու հասցեին:
Euromedia24.com-ի փոխանցմամբ՝ համապատասխան հայտարարությունը նա արել է wPolsce24 հեռուստաընկերությանը տված հարցազրույցում:
Ավելի վաղ Նավրոցկին կարծիք էր հայտնել, որ Ուկրաինան չպետք է անդամակցի Եվրամիությանն ու ՆԱՏՕ-ին, քանի որ Կիևը ձգձգում է Վոլինի ջարդերի զոհերի մարմինների արտաշիրիմման շուրջ բանակցությունները։ Դրան ի պատասխան՝ հունվարի 15-ին Վարշավա կատարած այցի ժամանակ մամուլի ասուլիսում Զելենսկին խորհուրդ է տվել Լեհաստանի նախագահի թեկնածուին «մարզվել՝ զենքը ձեռքին պաշտպանել երկիրը»։
«Ես չգիտեմ, թե ինչու Զելենսկին որոշեց բարձրաձայնել հանրապետության նախագահի թեկնածուի մասին: Նման հարցերում պետք է զսպվածություն ցուցաբերել: Դժվար է ասել, թե դա ինչով է պայմանավորված»,- ասել է Դուդան։
Նա նաև Զելենսկիին կոչ է արել զերծ մնալ Լեհաստանում նախընտրական քարոզարշավին միջամտելուց։ Դուդան նշել է, որ Վոլինի ջարդերի հարցը բարդ է, և Ուկրաինայի իշխանությունները վախենում են շոշափել այս թեման։
