Գրենլանդիան միշտ կլինի ՆԱՏՕ-ի անդամ և պատրաստ է համագործակցել ԱՄՆ-ի հետ, սակայն դեմ է նրանց անդամակցությանը։
Այս մասին հայտարարել է Գրենլանդիայի կառավարության ղեկավար Մութ Էգեդեն՝ մեկնաբանելով կղզու սեփականության իրավունքի վերաբերյալ ամերիկացի ընտրված առաջնորդ Դոնալդ Թրամփի պնդումները։
«Մենք միշտ կլինենք ՆԱՏՕ-ի մաս: Մենք միշտ կլինենք Միացյալ Նահանգների ուժեղ գործընկերը: Մենք մերձավոր հարևաններ ենք: Մենք համագործակցում ենք վերջին 80 տարիների ընթացքում, և կարծում եմ, որ ապագան նոր հորիզոններ կբացի համագործակցության համար»,-ասել է նա Fox News-ին տված հարցազրույցում։
Քաղաքական գործիչն ընդգծել է, որ գրենլանդացիները «չեն ցանկանում ամերիկացի լինել»։
«Մենք չենք ցանկանում լինել Միացյալ Նահանգների մաս, բայց մենք ձգտում ենք սերտ համագործակցության Միացյալ Նահանգների հետ», - ասել է Էգեդեն:
Գրենլանդիան որպես ինքնավար տարածք Դանիայի մաս է կազմում 1979 թվականից․ այն օրենսդրական իրավունք ունի հանրաքվեի միջոցով հռչակել անկախություն։ ԱՄՆ-ը և Դանիան ՆԱՏՕ-ի հիմնադիր երկրներն են։
