Հունվարի 16-ին ՌԴ նախագահ Վլադիմիր Պուտինը բանակցություններ կվարի Կենտրոնական Աֆրիկյան Հանրապետության (ԿԱՀ) իր գործընկեր Ֆաուստին-Արչանժ Տուադերայի հետ։
Կրեմլը նշել է, որ պետությունների ղեկավարները նախատեսում են քննարկել քաղաքական, առևտրային, տնտեսական և հումանիտար ոլորտներում երկկողմ համագործակցության հետագա զարգացման վիճակը և հեռանկարները, ինչպես նաև միջազգային և տարածաշրջանային օրակարգի արդի հարցեր։
ՌԴ նախագահի մամուլի քարտուղար Դմիտրի Պեսկովը ճեպազրույցում հայտնել է, որ Ռուսաստանը զարգացնում է հարաբերությունները Կենտրոնաֆրիկյան Հանրապետության հետ բոլոր հնարավոր ոլորտներում, այդ թվում՝ անվտանգության ոլորտում։
«Մենք մտադիր ենք էլ ավելի զարգացնել այդ համագործակցությունը, ունենք մեծ փորձ և երկարաժամկետ ծրագրեր»,- ընդգծել է Կրեմլի ներկայացուցիչը։
Կենտրոնաֆրիկյան Հանրապետության նախագահը Մոսկվա է ժամանել հունվարի 15-ի առավոտյան, նրա այցը կտեւի մինչեւ հունվարի 17-ը։
