Հունվարի 19-ին TikTok-ը ԱՄՆ-ում կդադարի թարմացվել, կանհետանա App Store-ից ու Google Store-ից, եթե Գերագույն դատարանն այս 5 օրվա ընթացքում այլ որոշում չկայացնի։
Եթե հավելվածը դադարի թարմացվել, 170 միլիոն ամերիկացի օգտատեր կզրկվի այս պլատֆորմից։
Հունվարի 10-ին կայացած քննարկման ժամանակ ամերիկացի դատավորներն ասել են, որ հավելվածն արգելելու հավանականությունը բավականին մեծ է։ TikTok-ի արգելքի նախաձեռնողը եղել է ԱՄՆ նախագահ Ջո Բայդենը։ Նա 2024 թվականի ապրիլին օրենք է ստորագրել, որով չինական ByteDance-ից պահանջում է դադարեցնել TikTok-ի գործունեությունը Միացյալ Նահանգներում մինչև 2025 թվականի հունվարի 19-ը:
