Մինչև 10 անօդաչու թռչող սարքեր, որոնք արձակվել են անհայտ անձանց կողմից, նկատվել են Բավարիայի Մանչինգ գյուղի ռազմական օդանավակայանի վրա, քննիչները չեն բացառում լրտեսությունը։ Այս մասին իր կայքում հայտնել է մարզային քրեական վարչությունը։
Ոստիկանությանը հայտնել են հունվարի 12-ի երեկոյան օդանավակայանի վրայով անօդաչու թռչող սարքերի թռիչքների մասին։ Դեպքի վայր ժամանած իրավապահները տեսել են մինչև 10 անօդաչու թռչող սարք։ Չհաջողվեց պարզել դրանք արձակած անձանց ինքնությունը, չնայած, որ ներգրավված էր ոստիկանական ուղղաթիռ։ Մյունխենի գլխավոր դատախազությունը հետաքննություն է սկսել։
2024 թվականի դեկտեմբերին անօդաչու թռչող սարքեր արդեն նկատվել են Մանչինգի և հարևան Նոյբուրգ ան դեր Դոնաուի ռազմական օբյեկտների վրա: Դրանք գործարկողներին բացահայտելու փորձերը նույնպես անարդյունք են ավարտվել։
