Վիլնյուսը 2025 թվականին գերմանական արտադրության Leopard տանկերի խմբաքանակի համար կանխավճար կկատարի՝ մինչև 2030 թվականը տանկային գումարտակ ձևավորելու համար։ Այս մասին Žinių radijas ռադիոկայանի եթերում հայտարարել է Լիտվայի պաշտպանության նախարար Դովիլ Շակալիենեն։
«Այս տարի մենք նախատեսում ենք կանխավճար կատարել զրահատեխնիկայի համար, այնուհետև մինչև 2030 թվականը մենք կկարողանանք տեղակայել տանկային գումարտակը», -ասել է նա: Նախարարը չի ասել, թե որքան է կազմել գործարքի ամբողջ գումարը և ինչ մասնաբաժին է կազմելու կանխավճարը։
2024 թվականի դեկտեմբերի 16-ին՝ Բեռլին կատարած այցի ժամանակ, Շակալիենեն ստորագրել է արձանագրություն, որը հաստատում է Լիտվայի կողմից 44 գերմանական Leopard տանկերի ձեռքբերումը։ Տանկային գումարտակը (Լիտվան երբեք չի ունեցել այս տեխնիկան) մոտոհրաձգային դիվիզիայի հիմքը կստեղծի, որը ձևավորվում է Բալթյան հանրապետության բանակում։
