Իսրայելի պաշտպանության նախարարությունը երկու պայմանագիր է կնքել իսրայելական Elbit Systems կորպորացիայի հետ՝ մոտ 1 միլիարդ շեքելի (մոտ 275 միլիոն դոլար) ընդհանուր գումարի չափով ծանր ավիացիոն ռումբերի մատակարարման և երկրում արտադրության գործարան ստեղծելու համար։ Հումք զինամթերքի համար, որը մինչ Գազայի հատվածում պատերազմի բռնկումը՝ 2023 թվականի հոկտեմբերին «հիմնականում մատակարարվում էր արտերկրից»։ Այս մասին հայտնում է Իսրայելի պաշտպանության նախարարության մամուլի ծառայությունը, գրում է ՏԱՍՍ-ը։
«Այս ռազմավարական համաձայնագրերը կարևոր նշանակություն ունեն Իսրայելի Պաշտպանության բանակի (IDF) օպերատիվ տոկունության և կարողությունների զարգացման համար: Դրանք պատերազմից քաղված հիմնական դաս են», - ասվում է հայտարարության մեջ:
Այս երկու փաստաթղթերը «Իսրայելի պաշտպանության նախարարության քաղաքականության հիմնաքարն են՝ խթանելու իսրայելական արտադրության անկախությունը և տեղական պաշտպանական արդյունաբերության հետ համագործակցությունը», - նշել է մամուլի ծառայությունը՝ հավելելով, որ ակնկալվում է, որ այդ նախագծերը «կնվազեցնեն Իսրայելի կախվածությունը ներկրված հումքից», ինչպես նաև «կուժեղացնի Իսրայելի տնտեսությունը, կընդլայնի հայրենական արտադրության գծերը և օպտիմալ պատասխան կտա Իսրայելի պաշտպանության ներկայիս և ապագա գործառնական կարիքներին»:
