Ճապոնուհի Տոմիկո Իտոկան, ով համարվում էր Երկրի ամենատարեց բնակիչը, մահացել է 116 տարեկան հասակում, հայտնում է NHK հեռուստաալիքը։
Նա մահացել է դեկտեմբերի 29-ին Հյոգո պրեֆեկտուրայի Ասիա Սիթիում գտնվող ծերանոցում:
Հուղարկավորությունը տեղի է ունեցել հունվարի 4-ին։ Տոմիկո Իտոկան ծնվել է 1908 թվականի մայիսի 23-ին Օսակայում։ Նա երեք քույրերից ավագն էր։ Մոտ 30 տարի առաջ նա տեղափոխվել է Ասիա քաղաք։
Մոլորակի ամենատարեց բնակչի կոչումը նրան փոխանցվել է անցյալ տարվա օգոստոսին՝ այն բանից հետո, երբ Իսպանիայում մահացավ Մարիա Բրանյաս Մորերան, ով 117 տարեկան էր։ Մինչ այս Տոմիկո Իտոկան համարվում էր Ճապոնիայի ամենատարեց կինը։
