Սիրիայի նոր իշխանությունները Դամասկոսում ղեկավարության փոփոխությունից հետո ավելի շատ «դրական հայտարարություններ» էին սպասում Իրանից և Թեհրանի դիրքորոշման փոփոխության հույս ունեին։ Այս մասին հայտարարել է Սիրիայում իշխանության եկած ընդդիմադիր խմբավորումների առաջնորդ Ահմեդ ալ-Շարաան։
«Մենք Իրանից դրական հայտարարություններ էինք ակնկալում։ Սիրիական հասարակության մի լայն հատված հույս ունի, որ Իրանը դրական դեր կունենա տարածաշրջանում։ Ես հուսով եմ, որ Իրանը կվերանայի իր դիրքորոշումը տարածաշրջանում միջամտության հարցում»,- ասել է նա Al Arabiya հեռուստաալիքին տված հարցազրույցում։
Միևնույն ժամանակ, ալ-Շարաան նշել է, որ Սաուդյան Արաբիան «կարևոր դեր է խաղում Սիրիայի ապագայում»։ Թագավորությունը, նշել է Դամասկոսի նոր իշխանությունների առաջնորդը «ներդրումների մեծ հնարավորություններ ունի Սիրիայում»։
