Միշտ ասել եմ՝ մենք այլևս չպիտի մտածենք հնարավորի և անհնարինի մասին, այլ՝ անհրաժեշտության։ Այսօրվա նպատակն էլ հենց դա է, որ տեսնեմ մեր համակիրներին։
Այս մասին «Անի Գրանդ» հյուրանոցում համակիրների հետ հանդիպումից առաջ լրագրողների հետ զրույցում ասաց Բագրատ Սրբազանը՝ նշելով, որ «Սրբազան պայքարի» աջակիցներն այս ընթացքում հալածվել են, ձերբակալվել, նրանց գումարների վրա կալանքներ են դրվել։
«Այս մարդկանց նաև պետք է որաշկի իմաստով քաջալերել, որ իմանան՝ իրենք լքված չեն և մենք այս գծից դուրս եկողը չենք»,– նշեց նա։
Խոսելով փողոցային պայքարը վերսկսելու ժամկետների մասին՝ Սրբազանը նշեց․
«Կարող է լինել մեկ շաբաթ, կարող է և լինել 10–20 օր։ Որոշակի բացթողումների պատճառով չենք կարողացել վերջնարդյունքն արձանագրել։
Հիմա մեզ համար ավելի լավ է որոշակի ժամանակի մեջ կարողանալ տեղավորվել, մեր խնդիրները լուծել։
Այն օրը, երբ դուրս գանք հրապարակ, դա լինելու է շարունակական և վերջնական»։
