Լիտվայի նախարարների կաբինետը, որը ձևավորվել է վերջին խորհրդարանական ընտրությունների արդյունքներով, մեկ շաբաթից կայցելի Ուկրաինա։ Այս մասին լրագրողներին ասել է վարչապետ Գինտաուտաս Պալուկասը։
«Ե՛վ ես անձամբ, և՛ նախարարների կաբինետը դեկտեմբերի 20-ին Ուկրաինա այցելելու հրավեր ենք ստացել: Մենք նախատեսել ենք այց»,- ասել է նա։
Հանրապետության կառավարության ղեկավարի խոսքով՝ այցի նախապատրաստական աշխատանքները շարունակվում են։
«Մանրամասները ճշտվում են, նյութատեխնիկական ապահովման և անվտանգության հարցերը լուծվում են»,- նշել է նա։
Պալուկասը չի հստակեցրել պատվիրակության կազմը։ Լիտվայում կա 14 նախարարություն։ Կառավարության անդամները հինգշաբթի օրը Սեյմում (խորհրդարան) երդվեցին և սկսեցին իրենց պարտականությունները:
