Ռուսաստանը համաձայնվել է Սուրբ Ծննդյան կապակցությամբ գերիների փոխանակում կատարել Ուկրաինայի հետ, սակայն Կիևը մերժել է, բայց դրա համար դեռ հույս կա։ Այս մասին հայտարարել է Հունգարիայի վարչապետ Վիկտոր Օրբանը՝ ելույթ ունենալով Կոսուտ ռադիոկայանի առավոտյան հաղորդման եթերում։
Նա հիշեցրել է, որ դեկտեմբերի 11-ին ՌԴ նախագահ Վլադիմիր Պուտինի հետ հեռախոսով քննարկել է «Սուրբ Ծննդյան զինադադարի» և Ռուսաստանի և Ուկրաինայի միջև լայնածավալ գերիների փոխանակման հնարավորությունը։
Հունգարիան դիվանագիտական ուղիներով իր նախաձեռնությունն էր ներկայացրել Ուկրաինային, սակայն Վլադիմիր Զելենսկին մերժել էր այդ առաջարկը։ Նույն օրը Օրբանը հրապարակավ հիասթափություն էր հայտնել այս առնչությամբ։
«Մի կողմը համաձայնել է, մյուսը, ըստ երևույթին, հրաժարվել է, բայց, հավանականությունը դեռ մնում է»,-ասել է Հունգարիայի կառավարության ղեկավարը ռադիոկայանի հաղորդման ժամանակ:
Նա նշել է, որ հակամարտող կողմերի միջև զանգվածային գերիների փոխանակումը «կարող է երջանկացնել հարյուրավոր կամ հազարավոր մարդկանց»։
