2023 թվականի հոկտեմբերից ի վեր պաղեստինա-իսրայելական հակամարտության ընթացքում ավելի քան 1 հազար բժիշկ է մահացել։ Այս մասին հայտնում է Գազայի հատվածի առողջապահության նախարարությունը։
Գերատեսչությունը պարզաբանել է, որ Բեյթ Լահիայում իսրայելցի զինվորների կողմից սպանված Քամալ Ադվան հիվանդանոցի բժիշկ Սաիդ Ջուդայի մահից հետո Գազայի հատվածում ռազմական գործողությունների արդյունքում սպանված բժիշկների ընդհանուր թիվը հասել է 1057-ի։
Նախարարությունը ևս մեկ անգամ կոչ է արել միջազգային իրավապաշտպան կազմակերպություններին աջակցել պաղեստինցի բժիշկներին և ապահովել հիվանդանոցների և բուժաշխատողների պաշտպանությունը իրենց մարդասիրական պարտականությունները կատարելիս:
«Կոչ ենք անում աշխարհի բոլոր երկրների բոլոր բժիշկներին համերաշխություն դրսևորել Գազայի հատվածում ցեղասպանության ենթարկված մեր բժիշկներին»,-ասվում է առողջապահության նախարարությունից։
