Իսրայելի բարձրագույն ռազմական ղեկավարությունը հանդես է գալիս պաղեստինյան ՀԱՄԱՍ արմատական շարժման հետ զինադադարի օգտին: Իսրայելցի գեներալները կարծում են, որ դա կհեշտացնի պատանդների ազատ արձակումը և բանակին թույլ կտա վերականգնել ռեսուրսները շիական «Հեզբոլլահ» շարժման հետ հակամարտության սրման դեպքում, հաղորդում է The New York Times (NYT)՝ վկայակոչելով անվտանգության աղբյուրները։«Զինվորականները լիովին աջակցում են պատանդների ազատ արձակման և ռազմական գործողությունների դադարեցման համաձայնությանը», - ասել է Իսրայելի ազգային անվտանգության նախկին խորհրդական Էյալ Խուլաթան։ Նրա խոսքով, Իսրայելի պաշտպանության բանակի գեներալները կարծում են, որ իրենք «միշտ կկարողանան վերսկսել գործողությունները և ապագայում ռազմական առճակատման մեջ մտնել ՀԱՄԱՍ-ի հետ»։Ինչպես նշում է պարբերականը, հրեական պետության ռազմական ղեկավարությունը եկել է այն եզրակացության, որ հրադադարը Գազայի հատվածում պահվող մոտ 120 պատանդների ազատ արձակման հասնելու ամենաարդյունավետ միջոցն է։ Իսրայելի բարձրաստիճան սպաները նաև կարծում են, որ իսրայելական բանակին ժամանակ է պետք վերականգնվելու համար և վախենում են զինամթերքի, զենքի և տեխնիկայի պակասից՝ երկրի հյուսիսում Հեզբոլլահի հետ լայնածավալ հակամարտության դեպքում: Բացի այդ, ՀԱՄԱՍ-ի հետ համաձայնագիրը կարող է օգնել երկխոսություն հաստատել լիբանանյան կողմի հետ, որը դեմ է Իսրայելի ռազմական գործողություններին Գազայում, հրապարակմանը հայտնել են մի քանի անանուն պաշտոնյաներ:Զինվորականների դիրքորոշումը տարբերվում է երկրի վարչապետ Բենիամին Նեթանյահուի կարծիքից, ով դեմ է հրադադարի համաձայնագրին, քանի դեռ ՀԱՄԱՍ-ը չի ոչնչացվել, գրում է NYT-ը։ Անհայտ է մնում, թե արդյո՞ք իսրայելցի գեներալներն ուղղակիորեն հրադադարի վերաբերյալ իրենց դիրքորոշումը հայտնել են հրեական պետության կառավարության ղեկավարին, նշում է հրատարակությունը։
Իսրայելցի գեներալները հանդես են գալիս ՀԱՄԱՍ-ի հետ զինադադարի օգտին. NYT
02.07.2024 17:04 |
Կատեգորիա
Համաշխարհային
