Լեհաստանի վարչապետ Դոնալդ Տուսկը, որը Եվրամիության նախագահությունը կստանձնի 2025 թվականի հունվարի 1-ից, հայտարարել է, որ հնարավոր է, որ Ուկրաինայի հարցով բանակցությունները սկսվեն այս ձմռանը։
«Մենք պատասխանատվություն ենք կրելու նաև այն բանի համար, թե ինչպիսին կլինի քաղաքական իրադարձությունների օրացույցը, բանակցությունների ընթացքում տիրող իրավիճակի համար, որոնք, թեև դեռ անորոշ, կարող են սկսվել այս տարվա ձմռանը», – ասել է նա։
Տուսկը նշել է, որ Ֆրանսիայի նախագահ Էմանուել Մակրոնը դեկտեմբերի 12-ին կժամանի Վարշավա և կտեղեկացնի ԱՄՆ նորընտիր նախագահ Դոնալդ Թրամփի և Ուկրաինայի նախագահ Վլադիմիր Զելենսկու հետ իր բանակցությունների մասին։ Տուսկի խոսքով՝ ինքը մշտապես կապի մեջ է մերձբալթյան և սկանդինավյան երկրների գործընկերների հետ։
Փարիզում Մակրոնի և Զելենսկու հետ հանդիպումից հետո Թրամփը հայտարարել է ուկրաինական հակամարտությունը լուծելու համար շտապելու անհրաժեշտության մասին։
«Եկել է գործելու ժամանակը։ Զելենսկին և Ուկրաինան կցանկանային գործարք կնքել»,-գրել է նա Truth Social-ում:
