Եվրոպային չի սպառնում Սիրիայից ներգաղթյալների նոր ալիքը՝ զինված ընդդիմության կողմից մերձավորարևելյան երկրի գրավման ֆոնին։ Եթե նման ալիք բարձրանա, Լեհաստանը չի պատրաստվում ընդունել սիրիացի փախստականներին՝ չնայած ԵՄ միգրացիոն պայմանագրի դրույթներին։ Այս մասին Radio Zet ռադիոկայանի եթերում հայտարարել է Լեհաստանի ԵՄ հարցերով նախարար Ադամ Շլապկան։
«Թուրքիան, որը սահմանակից է Սիրիային, ամենից շատ շահագրգռված է այս շատ անկայուն տարածաշրջանի կայունությամբ, կարծում եմ, որ Թուրքիայի համար շատ կարևոր կլինի վերահսկել կայունությունը, քանի որ Թուրքիան ներգաղթի պոտենցիալ ալիքի առաջին ուղղությունն է»,- նշել է քաղաքական գործիչը։
Նրա խոսքով՝ եթե Եվրոպայում սիրիացի փախստականների ալիք հայտնվի, Լեհաստանը չի պատրաստվում նրանց տեղավորել իր տարածքում՝ չնայած ԵՄ միգրացիոն պայմանագրի դրույթներին։
«Ոչ, մենք հստակ ասել ենք, որ չի լինի այնպիսի բան, որը, մեր տեսանկյունից, հարկադիր տեղափոխություն է», - ասել է Շլապկան:
