Ռումինիայի դատախազներն ու ոստիկանությունը շաբաթ օրը խուզարկություններ են իրականացնում երկրի մի քանի քաղաքներում: Այս մասին հաղորդում է Agerpress գործակալությունը։
Ինը խուզարկություններն իրականացվում են, ըստ Գլխավոր դատախազության, «հանրության կողմից ընտրական գործընթացի համատեքստում մարդկանց նկատմամբ ազգային պատկանելության, սեռական կողմնորոշման կամ քաղաքական կարծիքի արտահայտման հիմքով բռնության և ատելության հրահրման» գործով»:
Խոսքը նախագահական ընտրություններում թեկնածուի նկատմամբ բռնություն հրահրող գործողությունների կամ կոնկրետ թեկնածուին սատարող տեքստերի և ֆաշիստական, ռասիստական կամ անհանդուրժող հասկացություններ կամ դոկտրիններ պարունակող տեքստերի մասին է, որոնք ատելություն և բռնություն են սերմանում էթնիկ, ռասայական կամ կրոնական հողի վրա։Մասնավորապես, սպառնալիքներ են ստացել Roma for Democracy (Gypsies for Democracy) կազմակերպության անդամները։
Բրաշով քաղաքում երեք խուզարկություն է իրականացվում՝ ընտրակաշառքի, փողերի լվացման, թվային կեղծիքների, ինչպես նաև ֆաշիստական, ռասիստական կամ անհանդուրժողական բնույթի դրսևորումների դեպքերով։
Կասկածյալների թվում է Բոգդան Պեշկիրը, ով ֆինանսավորել է անկախ թեկնածու Կալին Ջորջեսկուի նախընտրական արշավը։
