Գրեթե 150 հազար մարդ է մասնակցում Կորեայի Հանրապետության նախագահի հրաժարականի պահանջով ցույցին Սեուլում՝ Յեուիդո շրջանում, որտեղ գտնվում է Ազգային ժողովը։ Այս մասին հայտնում է Yonhap գործակալությունը։
Գործակալության ոստիկանական աղբյուրների համաձայն՝ տեղական ժամանակով 17:30-ի դրությամբ խորհրդարանի դիմաց հավաքվել է 149 հազար մարդ։
Կազմակերպիչները մասնակիցների թիվը գնահատում են մեկ միլիոն: Մայրաքաղաքի կենտրոնում գտնվող Գվանգվամուն հրապարակի մոտ տեղի է ունենում պահպանողական խմբերի զուգահեռ հանրահավաք՝ ի պաշտպանություն նախագահի։
Yonhap-ի աղբյուրների համաձայն՝ մասնակիցների թիվը հասնում է 20 հազար մարդու։ Միաժամանակ, կազմակերպիչները պնդում են, որ մեկ միլիոն մարդ դուրս է եկել փողոց՝ աջակցելու պետության ղեկավարին։
