Ռուսաստանի նախագահի մամուլի քարտուղար Դմիտրի Պեսկովը կարծում է, որ ԱՄՆ նորընտիր նախագահ Դոնալդ Թրամփը խոսում է խաղաղության, այլ ոչ թե առճակատման մասին, ինչը նրան շահեկանորեն տարբերում է ԱՄՆ ներկայիս վարչակազմից։ Այս մասին նա հայտարարել է լրագրող Պավել Զարուբինին տված մեկնաբանությունում։Պեսկովը նշել է, որ «ազդանշանները դրական են»։
«Թրամփն իր նախընտրական քարոզարշավի ժամանակ ասել է, որ ամեն ինչ ընկալում է գործարքների միջոցով, որ կարող է գործարքներ կնքել, որոնք բոլորին կտանեն խաղաղության: Նա չի խոսում Ռուսաստանին ռազմավարական պարտություն պատճառելու ցանկության մասին, և դա նրան առանձնացնում է ԱՄՆ ներկայիս վարչակազմից», – ասել է Կրեմլի խոսնակը։
Քննարկումներն այն մասին, թե արդյո՞ք Թրամփը կկարողանա հարաբերություններ կառուցել Ռուսաստանի Դաշնության հետ իր երկրորդ նախագահական ժամկետում, Պեսկովն ասել է, որ ավելի լավ այդ հարցը թողնել քաղաքագետներին։
«Մենք կարող ենք միայն հետևել, թե ինչ կլինի: Մենք կարող ենք հետևել ծրագրին, որպեսզի հասնենք այն նպատակներին, որոնք մեր առջև դրել ենք»,- հավելել է նա։
