Կենդանիների տերերն իրենց առօրյա խոսքի մոտավորապես յուրաքանչյուր տասներորդ բառն ուղղում են իրենց շանը կամ կատվին։ Այս մասին հայտնում է ՏԱՍՍ-ը՝ ներկայացնելով Արիզոնայի համալսարանի գիտնականների հետազոտությունը։
Մարդիկ իրենց կենդանիներին պատմում են օրվա մասին, հարցեր տալիս, գովում, հրահանգներ տալիս, երբեմն էլ պարզապես դժգոհում իրենց խնդիրներից ու նրանց համար նոր մականուններ հորինում։
Այժմ գիտնականներն ուսումնասիրում են՝ արդյոք հենց այսպիսի ամենօրյա շփումն է պատճառներից մեկը, որ ընտանի կենդանիներն օգնում են որոշ մարդկանց ավելի հեշտ հաղթահարել միայնության զգացումը և բարելավել հուզական վիճակը։
Այնպես որ, եթե հաճախ եք երկար զրուցում ձեր շան կամ կատվի հետ, պարզվում է՝ մենակ չեք։
