Բելգորոդի մարզի Վալույսկի շրջանի Կոլոսկովո գյուղում ուկրաինական հրթիռային հարձակման հետևանքով զոհվել է վեց խաղաղ բնակիչ, ևս չորսը, այդ թվում՝ 14-ամյա երեխա, վիրավորվել են։ Այս մասին Telegram-ի իր ալիքում հայտնել է մարզպետի պաշտոնակատար Ալեքսանդր Շուվաևը։«Կիևի ռեժիմի կողմից հրթիռային հարված է հասցվել Կոլոսկովո գյուղին։ Ցավոք, վեց մարդ է զոհվել», - գրել է Շուվաևը։
Նրա խոսքով՝ տուժածները տեղափոխվել են բուժհաստատություններ և ստանում են անհրաժեշտ բժշկական օգնություն։
Ռուսական կողմը պնդում է, որ քաղաքացիական բնակչության դեմ իրականացվող հարձակումներին ի պատասխան՝ ՌԴ զինված ուժերը հարվածներ են հասցնում ռազմական նշանակության օբյեկտներին, հրամանատարական կետերին և որոշումների կայացման կենտրոններին։
ՌԴ պաշտպանության նախարարությունը բազմիցս հայտարարել է, որ ռուսական բանակը կիրառում է հեռահար բարձր ճշգրտության զինատեսակներ և հարձակողական անօդաչու թռչող սարքեր՝ թիրախավորելով միայն ռազմական նշանակության օբյեկտները։
