ԵՄ դիվանագիտության ղեկավար Ժոզեպ Բորելը մտադիր է մոտ օրերս մեկնել Ուկրաինա՝ երկրի իշխանությունների հետ քննարկելու Կիեւին օգնության տրամադրման հարցը։
Այդ մասին նա հայտարարել է Բուդապեշտում ԵՄ առաջնորդների ոչ պաշտոնական հանդիպմանը ժամանելուն պես։
Այդ մասին նա հայտարարել է Բուդապեշտում ԵՄ առաջնորդների ոչ պաշտոնական հանդիպմանը ժամանելուն պես։
«Ես ցանկանում եմ առաջիկա մի քանի օրվա ընթացքում մեկնել Ուկրաինա՝ իշխանությունների հետ քննարկելու, թե ինչպես կարող ենք շարունակել աջակցել նրանց, քանի որ մենք պետք է շարունակենք օգնել»,- ասել է Բորելը։
Նրա խոսքով՝ Եվրամիությունը պետք է օգնի Ուկրաինային՝ անկախ նրանից, թե ինչ է տեղի ունենում ԱՄՆ-ում։
«Ինչ էլ որ պատահի, մենք պետք է հավատարիմ մնանք Ուկրաինայի հանդեպ մեր ստանձնած պարտավորություններին: Ուկրաինան պետք է լինի սեղանի շուրջ, ոչ թե ճաշացանկում:
Եթե դու խաղացող չես, ուրեմն ուրիշները խաղում են քեզ համար: Ինչ էլ որ լինի ԱՄՆ-ում, մենք ունենք. մեր շահերն ու արժեքները»,- ասաց նա։
