ԱՄՆ-ն մտադիր է առաջիկա շաբաթներին փորձել վերսկսել Ուկրաինայի և Ռուսաստանի միջև բանակցային գործընթացը՝ Fox News-ի եթերում հայտարարել է ԱՄՆ պետքարտուղարը: Մարկո Ռուբիոյի խոսքով՝ ամերիկյան կողմը դիվանագիտական ջանքեր կգործադրի, որպեսզի պարզի կողմերի՝ բանակցային սեղան վերադառնալու հնարավորությունը:
Նա նշել է, որ համաձայնության հասնելուն խանգարում են հակամարտության կողմերի կոշտ կարմիր գծերը:
«Մենք նաև հասկանում ենք, որ երկու կողմերն էլ ունեն բավականին հստակ կարմիր գծեր, և մինչև մեզ չհաջողվի մի փոքր մոտեցնել այդ կարմիր գծերը, մենք չենք հասնի ցանկալի արդյունքի։ Բայց մենք պատրաստ ենք դրան»,- ասել է Ռուբիոն:
Ավելի վաղ ԱՄՆ նախագահ Դոնալդ Թրամփը հայտարարել էր, որ Ռուսաստանի և Ուկրաինայի նախագահներ Վլադիմիր Պուտինը և Վոլոդիմիր Զելենսկին ցանկանում են գործարք կնքել հակամարտության ավարտի վերաբերյալ, սակայն այն զիջումներ կպահանջի երկու կողմերից:
