Չեխիայի վարչապետ Անդրեյ Բաբիշը կարծում է, որ անհրաժեշտ է անհապաղ կասեցնել Իսպանիայի անդամակցությունը Շենգենյան գոտուն և ժամանակավորապես սահմանային հսկողություն իրականացնել երկրի սահմաններին՝ Սեուտայում միգրանտների հետ կապված իրավիճակի պատճառով:
Այս մասին հաղորդում է CTK լրատվական գործակալությունը: Գործակալության տվյալներով՝ Բաբիշը իրավիճակը համարում է «սկանդալային, և դրա համար պատասխանատվություն է կրում Իսպանիայի կառավարությունը»: Միևնույն ժամանակ, Չեխիայի արտաքին գործերի նախարար Պետր Մաչինկան իրավիճակը բնութագրել է որպես չափազանց դժվար:
Նա Սեուտայում ստեղծված իրավիճակը մարտահրավեր է անվանել ոչ միայն Մադրիդի, այլև Եվրամիության և Շենգենյան գոտու համար, որը երաշխավորում է տեղաշարժի ազատություն՝ առանց ներքին սահմանային վերահսկողության:
Այնուամենայնիվ, լրագրողների հետ զրույցում նա ընդգծել է, Պրահան սպասում է, թե ինչ քայլեր կձեռնարկի Մադրիդը, և նա իրավիճակը դիտարկում է որպես միգրացիոն ռիսկերի անտեսման հետևանք:
