Ռուսաստանի համար Հայաստանը պարզապես ինքնիշխան պետություն չէ, այլ երկիր, որի հետ կապերը ձևավորվել են դարերի ընթացքում՝ ընդհանուր պատմության, ընտանեկան կապերի, համատեղ ծրագրերի, բիզնես համագործակցության և մարդկանց ճակատագրերի փոխկապակցվածության հիման վրա։ Այս մասին հայտարարել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան՝ բլոգեր Օլգա Բլագովեշչենսկայային տված հարցազրույցում։Զախարովայի խոսքով՝ Մոսկվան միշտ աջակցել է Հայաստանին, իսկ այդ աջակցությունը պայմանավորված է եղել ոչ միայն աշխարհաքաղաքական գործոններով, այլև ժողովուրդների միջև ձևավորված մարդկային և մշակութային կապերով։
«Խոսքը միայն դիվանագիտության կամ քաղաքականության մասին չէ։ Դա ժողովուրդների, մշակույթների միջև անկեղծ հարաբերությունների, փոխադարձ հարգանքի և փոխըմբռնման արդյունք է»,- նշել է նա։ՌԴ ԱԳՆ ներկայացուցիչը նաև ընդգծել է Ռուսաստանի նախագահ Վլադիմիր Պուտինի դերակատարությունը Հայաստանի համար բարդ ժամանակաշրջաններում, այդ թվում՝ ռազմական հակամարտությունների ընթացքում։
Նրա խոսքով՝ երկու երկրների համագործակցությունը շարունակում է զարգանալ նաև տնտեսության, էներգետիկայի և արդյունաբերության ոլորտներում։
